toki a,

jan ale o! mi jan Awa li lon!

mi sitelen e ni lon tenpo mun #TT. mi o ante e ni lon tenpo kama

if you don't speak toki pona but you do speak english, i have an incomplete english page

ni li lipu mi pi kama sona li kepeken toki pona. mi pilin e ijo li kama sona e ijo li wile sitelen e ni la, mi sitelen e ni. mi pali e ijo li wile pana e ni tawa jan pi sona ala la, mi pana e ni.

ken la, sina mi. ken la, sina mi ala, li sona e mi. ken la, sina mi ala li sona ala e mi. ken la, sina mi li tan tenpo kama.

tawa mi: nasin suli lipu

#W) ni li lipu pi kama sona. kepeken lipu ni la sina wile kama sona. sina wile ala pona ale li wile ala lukin e jan ante li toki e ni: 'a, jan ante li sama ni la mi o sama ni. ante la mi ike anu seme?'
ike sina nanpa wan li ni: pilin sina la sina lon kulupu wan li wile pali sama nasin pi kulupu ni taso. ni li ike suli. sina o sina.

#T) sina wile ala pana e ijo lon lipu ni la, o pana ala. ni li lipu sina, li ilo Insaken ala li ilo Jutu ala. pilin pi jan ante li suli ala. sina pana e ijo pi wile ala la ni li ike e pilin sina e pali sina. ni li lipu sina.

#TW) o monsuta ala tan toki jan.

tawa jan ante: mi seme?

toki. sina sona ala e mi la, tan seme la sina kama?

tenpo pini la mi lon ma Sonko (taso mi kama lon ma Anku. mama mi li tan jan Anku kin) li pali e toki musi pi pini ala e sitelen. mi jo ala e jan pona e ilo musi la mi ken pali ni ale! tan ni la mi awen wile weka e mi tan jan mute lon tomo sona.

tenpo ni la mi lon ma Anku li lon tomo sona. mi olin e sona (taso tenpo mute la mi wile lape taso) nanpa wan la sona toki en sona kulupu en sona jan li pona tawa mi. musi la mi lukin e lipu Namuwiki li sitelen li pali e toki.

lipu ni la mi toki e nasin mi lon tomo sona pi ma Anku lon kama sona pi wile mi e ijo ante nasa tan lawa mi.

mi ken toki ni:

• toki pona
• 한국어
• english

mi ken toki ni kin:

• toki nasa (sama toki pona, taso tawa jan ante)
• 한글 (한국어랑 같음)
• american (NOT english, as one american said)
• ɪntɚnæʃənəl fənedɪk ɑlfəbet
• 콩글리시
• tokiponglish

lon a, mi ken toki luka tu

mi weka sona e toki Sonko li sona lili e toki Epelanto kin.

mi toki ike anu sina wile pana e toki namako la, o toki tawa mi a! mi intphuman lon lipu pona. ilo Email la mi janawalilon@proton.me.

nimi ante la, toki Anku la mi kepeken nimi 벼리. toki Inli la mi kepeken nimi Ava. toki Inli la nimi ona mi li 'she/her'. 'they/them' li pona kin.

o sona e ni: sitelen mute la, ken la tenpo kama la mi pilin sama ala tawa sitelen mi. ken la ona li pilin pi tenpo sitelen taso. tenpo ale la mi kama sona li ante la mi pakala suli. mi pilin sama suli tawa toki pi jan ni.

kin la, sina wile lukin e lipu ale mi la, o luka e sitelen ni

tawa jan pi toki ike lon lawa mi

sina: sina ike suli. o sitelen ala.
mi: li pakala e sinpin sina kepeken moku Kinsi pi mama mi