ijo lili tawa pilin pona mi
tan seme la mi pali e ni?
tenpo suno ni la mi wile pali ijo taso ilo li pakala e pali ni. mi sitelen e toki musi. toki musi li lon tomo sona suli la mi wile kama sona e nasin pi tomo sona suli tan ma ilo. mi alasa e sona tan tomo sona pi wile mi, taso ilo alasa li pana ala e sona pi wile mi li pana e ni: tomo sona ni li kepeken wawa mute tawa kama. ni li nasa e lawa mi li pana e pilin ni: a mi o pali wawa. taso kepeken nasin seme? pona la mi kama e sona pi wile mi lon pini.
taso ni la mi wile lukin e ilo Jutu, la mi ni. ilo Jutu mi li pana mute e ijo pi nasin lawa pi nasin mani. ijo ni li sama ala pilin mi la ni li musi mute tawa mi. taso tenpo ni la, mi pilin e ni: tan seme la mi pilin wawa tawa pilin wan mi taso li pana e ni tawa jan ale tawa lawa mi ale? ni la, lawa mi li kama nasa.
tenpo poka la, mi wile toki e ni tawa mi: mi sama ala jan ante li kule. tan ni la mi kepeken kulupu pi kule lukin li toki: mi lon kulupu ni la mi wawa. taso lon la, kulupu ni li ale ala. lon lili la kulupu ni li pona lili tawa mi, taso pona ale ala.
mi wile ala tawa poka wan li wile ala kulupu wan e ale mi. mi wile ala pilin ike tan ni: kulupu mi li pona ale ala. mi pona ale ala tawa kulupu.
ken la, mi ken poka ala li ken kulupu ala. ken la mi ken mi.
taso, mi seme?
lon a. mi seme? ken la, sina wile e kule nasa mi pi lon kulupu ante ala e toki kule. taso mi la, kulupu mute en jan mute li pana e ijo lili tawa ijo wan la ijo wan ni li mi. mi tawa lon ma nasa la ijo lili mute li kama lon mi.
n. seme a. tan seme la mi sitelen e ni. mi sona ala. taso mi wile pilin pona, tan ni la mi sitelen e ni.
wile tawa pilin pona mi
- o kama o weka tan kulupu tan wile sona mi tan wile kulupu taso ala
- o pini e ilo lili lon tenpo ni, ken la lon tenpo suno luka luka tu tu. ona li ken pini e pali mi li ken poka wawa e mi
- lukin ale lipu la o ni lon supa lipu o sitelen e pilin. taso lukin lipu li jo ala e pilin lon tenpo, ni li suli ala
- tenpo la, wile pi pali pona ala li ken pali pona tawa wile pi pali pona
ni li ale :)