kulupu pi nimi ijo
mi wile toki e nimi pi toki pona ala la (sama English, Amazon, 세종) mi toki pona e ona sama jan mute. nasin toki pona pi nimi ni la mi lukin e lipu pu e lipu Wikipesija.
sina ken ala alasa e ni: nimi la mi toki e seme pi toki pona ala la, o lukin e ni. taso tenpo la ona li ken ante lili.
nimi pi ma lawa
o lukin e lipu Wikipesija taso mi kepeken mute e nimi ni:
- Inli - English, England
- Anku - 한국
- Sonko - 中国
- Mewika - United States of America
- Juke - United Kingdom
nimi pi ma linluwi
mi sona e ni: kulupu pi toki pona li kepeken e nimi 'ilo Siko' e nimi 'lipu Wesi' e nimi 'ilo Jutu' e nimi 'ilo Masoton' e nimi 'lipu Wikipesija'. mi kute e nimi 'lipu Insaken' lon tenpo wan. ijo ante la mi toki pona e ona.
- Jutu - YouTube
- Siko - Discord
- Wesi - Reddit
- Insaken - Instagram
- Wikipesija - Wikipedia
- Masoton - Mastodon
- Kakato - 카카오톡 (anu Kato - 카톡)
nimi pi ijo ante
- Ketejan - KPop Demon Hunters (tan toki Anku: 케데헌)1
- Kinsi - 김치
sitelen tawa ni la jan kalama Anku tu wan li utala e jan ike.↩