kalama suli li lon.
kijetesantakalu Ila li weka lape lon len lili lanpan. ken la, sina pilin e ni: lanpan li ike. taso kijetesantakalu Ila la, pona en ike li suli ala li nasin pi jan ma taso. tenpo la soweli ma kin li tawa nasin ni. ante la, ni ale li suli ala tawa kijetesantakalu Ila. ona li soweli ma taso ala. ona li sona e ni: lon la, ale li nasin ala! kijetesantakalu Ila li ken pali e nasin ona. nasin ona la, ale li musi taso. tenpo pini la kijetesantakalu Ila li jan 방희엘 taso pi moli ala. jan 방희앨 li jan pi kama sona lon ma Anku. nasin mute pi ma Anku pi tomo sona pi kulupu mama pi kulupu sama li lawa e ona tan ni: ona li jan. taso tenpo ni la, ijo li ante. jan 방희엘 li moli lon tenpo pini li kama sin lon sijelo pi kijetesantakalu Ila. tenpo ni la, kijetesantakalu Ila li musi taso lon tomo len lili lon tomo lape #301 lon tomo sona Enpoli. ona li lukin e musi pi jan ante li pali musi tawa jan ante li sitelen e toki musi pi lawa ona. jan ala li ken pini e kijetesantakalu Ila tan ni: jan ala li sona e lon ona. musi a!
kijetesantakalu Ila li lukin e poka la lipu mute a li lon. tenpo pimeja la kijetesantakalu Ila li kama lon tomo la lipu ale ona li weka tan poki ona li lon supa anpa. pilin ona la, ken la soweli ilo li lanpan e lipu anu seme? a suli ala. ona li ken pona e lipu lon tenpo kama. tenpo ni la,
"lily it is 7 in the morning. i know you're not used to this but we have to practice your speech for the entrance ceremony. so WAKE UP"
"왤케 난리야 고작 새벽 7시에. 5분만 자자 어?"
"idk how to say this but if i were your mom you would be dead now. you'll be late if you don't wake up"
"아 진짜 알았어"
lon a. tenpo suno ni la sike sin li open. jan sin li kama lon tomo sona li lukin e nasin pona pi kama sona e ken pona mute e jan tawa mute pi tomo sona suli pona, li pilin pona sama tawa tenpo kama ona. taso sona pona pi kijetesantakalu Ila la tenpo lili taso la jan sin ni li weka e pona ale ni li kama ona pi tenpo pini. lon poka jan sin la jan awen li tawa pi wawa ala e poki e sijelo tan wile ala lon tomo sona. lukin ni li musi tawa kijetesantakalu Ila la ona li weka tan tomo lili ona li tawa tomo suli pi jan sin. ona la jan lawa pi pana sona li pini toki e ijo pi suli mute. sona pona pi kijetesantakalu Ila la, jan lawa sin pi kama sona li toki e ijo pi suli mute lon tenpo poka. a, ni li open lon tenpo ni! jan sin li open toki,
“ijo lon. kijetesantakalu Kije - ona o soweli loje o kijetesantakalu ala. taso ona li kijetesantakalu. tan ni la ona li alasa kama soweli loje. taso lon la, ona li wile kama jan. jan Aweli - ona li jan pi wawa nasa tan...”
“what language is that?”
“i don’t know but definitely not korean or english. japanese i guess?”
“wow someone didn't focus in their japanese class”
"our school didn't even have a japanese class"
kijetesantakalu Ila li mu musi. toki pi jan sin ni li nasa a! taso tenpo lili la ona li kama sona e ni: a! toki ni li lipu pi toki musi ona! ona a li lanpan e lipu pi kijetesantakalu Ila. jan sin ante li kalama wawa sama ni:
“NO LILY THAT’S NOT THE SPEECH”
jan toki (pilin pi kijetesantakalu Ila la, ona li jan Lili) li pini e toki li lukin e lipu ante li open toki.
“we’re no strangers to love. you know the rules, and so do i.”
kulupu li mu musi wawa. kijetesantakalu Ila la, ona li toki e kalama Nepakanakipijuwa lon lipu ona pi toki musi. lon a la lipu pi kijetesantakalu li lon jan ni.
jan Lili li pini toki e ale pi kalama Nepakanakipijuwa la jan lawa li alasa weka e kon musi li alasa pini e tenpo ni lon nasin pi nasa ala. tenpo ni li pini pona, taso kulupu pi jan sin li awen mu musi. jan Lili li kama sona e toki ike ona la ona li kama ken ala. jan li kalama tawa jan Lili la jan ni li pilin ike suli li wile ala lon ni.
pali ale suno li pini la mi tawa wawa tawa tomo lili mi tan tenpo suno pini. jan Suwa li kama ala la mi ken pana e pilin ale a. (taso ken suli la jan ale li lukin e sinpin loje mi)
SEME A LA MI PAKALA???
o kute a, jan lukin pona o. (mi jo ala e jan lukin. pona la jan ala li lukin e lipu mi, taso mi olin toki tawa lipu sama ni: jan ante li lukin) mi pilin lape lon tenpo ni!!!
tenpo suno #TW pi tenpo mun #LTT li lon la, (ken la sina pilin e ni: a, taso sina lon ma Anku! sike pi tomo sona li open lon mun nanpa #TW anu seme? taso tomo sona ni li sama mute nasin pi ma ante tan ni: tomo sona ni la jan mute li tan ma ante li wile tawa tomo sona pi ma ante lon tenpo kama) mi kama lon tomo ni. jan Suwa li lon ala tomo lape li lon nasin tomo tan ijo pi sona mi ala.
mi taso li lukin e tomo sin mi la, mi lukin e sinpin lili pi kule ante. mi weka e sinpin la tomo lili insa li lon li len tan selo tomo. ona li sama ni: jan lili pi musi mute li lon ona. ilo lipu li lon. lon poka la poki mute en lipu mute li lon. lipu lon ala poki li jo e sitelen tomo. mi olin e pali ma la, toki nanpa wan tan lawa mi li ni: tomo ni li lon lawa pi jan tomo anu seme? ni la, musi mute a! mi open e poki la lipu namako li lon. lipu nanpa wan pi lukin mi la, nimi 'toki musi nasa pi nimi ala' li lon. ona la kijetesantakalu Kije li wile soweli ante, taso ona li kama pakala jan pi ma sike O. nasin toki la ona li suli mute ala, taso ma sike O - lon la ma Soteli (jan Kije li lon ma ni) li musi tawa mi. ma Soteli li jo e utala lape e jan len pi wawa nasa. ni la, seme li lon e ijo ni ale? ma ni li lukin seme? seme a li kama? wile sona ale ni li open e pali lawa mi. mi sona e ni: ni li tenpo pini pi soweli Jona. pini ona la, soweli Jona li pana e kon tawa ma pi lawa ona tan lipu pi jan ante li pilin pona mute tan ona. ni li pini la, soweli Jona li pini. jan Sojon en jan Alisu taso li awen lon ma ken ni. ona tu taso li ken jo e ken tawa ona tawa kulupu ona. pini pi pali lawa la... o awen. seme li lon?
pakala a.
mi pana e lipu pi jan Kije lon poki pi jan Suwa!
MI O SEME A???
tenpo ni la, kijetesantakalu li kama tan ala. mi lukin e kijetesantakalu ni li toki sama jan ale pi toki pona,
"tan seme la kijetesantakalu li lon a?!"
kijetesantakalu li kama lukin e mi, li toki: "a, sina sona e toki pona anu seme? nasa a."
mi pilin nasa suli. "seme? mi sona e toki pona la ni li nasa tawa sina? sina la, seme? kijetesantakalu li sona ala e toki pona."
"a a lon. mi weka sona e ni: kijetesantakalu mute li sama soweli ante li ken ala toki sama jan. mi la ijo nasa li lon la kon jan mi li awen lon sijelo kijetesantakalu li kama toki pona kin. la... tenpo pini la mi moli lon sijelo jan! sona ala sona?"
"n... sona."
"ante la, sina wile ala wile kama pona tawa mi? wile la mi ken toki e mi tu. sina open."
"taso, sina la jan li kama ijo sin lon moli... anu seme?"
"mi sona ala! mi ijo lili pi moli wan taso :p sina o open toki"
ale li awen nasa, taso mi toki. "lon. mi... mi soweli Jona. ni li nimi mi pi toki pona li tan jan pona mi pi tenpo pini li lon sona mi taso lon sona pi jan ante ala. sona pi jan ante la, mi 김소연 lon toki Anku li Alice Kim lon toki Inli. musi la mi kepeken ilo nasa nimi tawa nimi pi toki Inli."
kijetesantakalu li mu sona. "ni la, jan pona sina li jan Jona anu ante?"
"ona... lon a jan Jona li jan pi pona mute la mi toki mute tawa ona lon tenpo pini. tenpo ni la ona li awen pona tawa mi taso lon lawa mi taso. tenpo ni la mi ken ala toki tawa ona"
“tan seme?” ona li mu pi wile sona.
“n... jan li weka e jan mute tan mi. taso ona li pana e ken mute a.” mi sona e ni: mi toki e ni tawa jan ante lon tenpo kama. taso ona li kijetesantakalu la mi sona ala.
“ken seme? tan seme la ona li weka e jan pona sina?”
“suli nanpa wan la, ken pi tomo sona ni.”
“ona li jan ike pi pana sona, anu seme? ona li toki e ni: o kama sona e ijo wile taso o musi ala-”
“a a jan mute pi ma ni li sama ni anu seme. taso mi la ni ala. mi jan pi pana sona, la ona li pana e mani tawa ni. tenpo ni la ona li pana e mani tawa tomo sona, la mi ken lon ni li pona e jan Suwa. sama mute sitelen tawa pi ma Anku”
“taso ni li kepeken mani mute mute a tawa ona, nimi ona li jan Suwa, anu seme. ona li wile kepeken mani lili la, ona li ken kama jo e jan suli pi pana sona, anu seme.”
“nanpa wan la, ona li jo e mani mute mute a. nanpa tu la, jan Suwa li pana ala e mani ale tawa tomo sona. kulupu mi kin li pana e mani. tenpo pini la tomo sona mute li lon tenpo pimeja tan ni: jan li wile kama e sona mute. jan mute li lon ni la mi kin li lon ni. tomo sona ni la ni li ken ala. nanpa mute la, jan sin li ike mute tawa jan Suwa. tan seme? MI SONA ALA A”
“a, sina sona e sitelen tawa ‘ilo nanpa’ anu seme”
“a a a mi olin e ona. pilin mi la jan ale pi toki pona li sona e ona”
“a a taso o sona e ni: jan taso ala li olin e ona. kijetesantakalu kin li olin e ona, tan ni: kijetesantakalu li pali e sitelen tawa ni li pana e ona lon lawa pi jan Sate. taso tan seme la sina kama sona e toki pona?”
“tan musi. jan Suwa li lon la ni li wile e tenpo e wawa. ni la mi ken ala musi sama wile mi lon tenpo mute la, mi kepeken toki pona tawa pilin mi tawa musi mi. nasin ni la mi pilin e ni: jan ala li sona e toki mi la mi ken toki e ale mi. kin la, jan Jona li toki mute e ni: nasin seme la jan li ken lili e toki sama ni: jan li ken toki e ale kepeken ona. mi pini la, sina toki.”
“n...”
"야 김소연 어디냐?"
a jan Suwa li kama lon. mi o pini e musi ni.
"mi tawa. o awen pona!"
kalama lili la mi open e lupa tawa tomo lawa. jan Suwa li lon supa lape li lukin e lipu toki tan kulupu lipu ona.
"연설 대본 어디 뒀어?"
"gimme the folder"
jan Suwa li pana e kulupu lipu. mi open e ona la lipu wile li lon insa a. tan seme la jan Suwa li ken ala lukin e lipu ni.
"right here, next to the lyrics of 'never gonna give you up'. obviously you could notice 'never gonna give you up' is not your speech, find the right papers, and read those. because people are gonna notice you don't speak english as well as you claimed to which is the only reason i am speaking to you in english right now, so you could get used to having all your classes in english."
"ㅋㅋ내가 글케 영어를 못하겠냐? 그냥 떨.린. 거야 너야말로 나한테 난 영어 잘 못하니까 즉석에서 이상한 소리 하지 말고 폴더 대본대로 읽으랬지? 너땜에 꼴이 뭐냐 이게 어?"
"yeah but..." tan seme la jan Suwa li pana e mi lon ike ni. "you do have common sense right? or are you too stupid to-"
pona la mi kon sin li pini toki ike. mi toki sin, "right sorry this whole thing is stressing me out"
jan Suwa li toki pi pilin ala, "ㅇㅋ 라면이나 사줘" lukin la toki ike mi li suli ala tawa ona. pona a.
jan Suwa li pana e luka lon poki ona, li kama e lipu mani mute tawa mi. mi pana e mani lon poki len mi li kama jo e poki moku, li tawa.
ni li tenpo suno nanpa wan tawa jan mute lon tomo ni, anu tenpo suno nanpa tu. tan ni la jan mute li lon nasin li mu suli tan ijo mute. jan mute li toki tawa jan ante li wile kama e jan pona, li tawa wawa e poki ijo ona lon insa tomo - taso tenpo kama la ona ale li kama sona e ike ni - li ijo mute a. kijetesantakalu Ila li pilin e ni: tenpo pini la lawa ona li pilin ike tan mu suli pakala ni, taso tenpo ni la suli ala. ken la sijelo kijetesantakalu li ike ala sama sijelo pi jan Ila anu seme. anu ken la kijetesantakalu Ila la ale li musi tawa ona sama ala tenpo jan ona.
n. o awen. ona li lon ala nasin tan ni: ona li wile lukin taso e jan lili mute. (taso seme li lili? kijetesantakalu Ila li lili mute lon sijelo tawa jan ale ni. tenpo la ijo li nasa, tenpo kijetesantakalu taso la kijetesantakalu Ila li lili taso tenpo jan la ona en jan ante li sama. taso tenpo kijetesantakalu en tenpo jan Ila la kijetesantakalu Ila li suli mute) ona li wile toki tawa soweli Jona a! soweli Jona li wile tawa tomo esun la, ona li... ike a. kijetesantakalu Ila li lukin e soweli Jona la ona li tawa ike li pilin ike lili tan kalama ale ni kin. soweli Jona o tawa pona la, kijetesantakalu Ila li pilin musi lili li jo e lipu tan poki pi jan wan li pana e ona lon poka soweli Jona. lukin ala la soweli Jona li noka e lipu li tawa lupa lili kepeken wile ona ala. kijetesantakalu Ila li sona e ni: lon anpa la nasin musi pi tawa anpa li lon sama tomo musi pi jan lili. nasin ni li pini la nasin len li lon. nasin len ni la jan pi pana sona pi mute lili en jan suli pi kama sona pi mute lili la ona taso li sona.
pona a. ni la soweli Jona li ken lon nasin pona pi kalama ala pi jan ala anu seme.
lon tenpo lili la noka mi li tawa pakala la lupa nasa li open. mi lukin la mi lon nasin nasa pi jan ala. mi ken lukin e insa ala tomo e supa lili e poki lili wan.
mi ken toki e ni taso, "seme the pakala li lon"
mi kute e mu, "tokiii soweli Jona o!" kijetesantakalu Ila li lon a. ona li toki, "ma ni li seme tawa sina? lukin la kalama en jan li ike tawa sina la, mi tawa e sina lon ni!"
"SEME A. mi wile tawa tomo esun, mi toki e ni: mi tu li ken kama pona taso mi toki ala e ni: sina ken pana e mi lon ma pi sona ala. taso... ma ni li pona??? taso mi wile sona e ni: ni li seme la mi ken ala ken tawa tomo esun"
"a." kijetesantakalu Ila li mu musi. "nasin ni la jan mute li sona ala e ona. lon lipu pi nasin tomo la, sina kama jo e ona tan tenpo suno pini la, nasin ni li lon ala! nasin ni li tawa jan suli ni: ona li wile ala toki tawa jan ante."
tan ni la jan ala li lon, anu seme.
kijetesantakalu Ila li awen toki, "tomo esun la, sina ken a tawa ona kepeken tenpo lili. mi pana e nasin la, sina wile ala wile toki?"
"n... wile"
"pona! la, jan Suwa li jan Lili anu seme? ona li toki pakala lon tenpo poka?"
"ni a. sina kute anu seme."
"kute a! sina ike mute, tan ni: jan poka sina li sona ala e nasin toki pona, li toki e kalama Nepakanakipijuwa lon toki suli."
"lon... mi pilin ike mute tan ona. ona li ken ala pali a!"
ken la mi ken toki ike e jan Suwa lon tenpo ni taso anu seme.
"sina pilin ala pilin e ni: ona li ike tawa sina."
"n... taso mi toki e ni, ona li ken lon e mi la mi ken ala toki e lon...?"
"ni la sina pilin ike tawa ona."
"a. lon la jan ala li toki e ni lon mi, mi pilin nasa lili. tenpo ale la mi pilin e ni: ike lili ni li lon la pona ale li awen, mi o awen tawa ike lili ni, taso sina lon. tenpo la mi wile weka tan ona li wile musi taso."
"la o musi"
"ken ala"
"tan seme?"
“nanpa wan la, sina kute ala e toki mi pi tenpo poka anu seme. nanpa tu la, kulupu pi jan Suwa li pana tawa mi tan ni: pilin ona la mi pona ale. mi musi li lon poka jan Suwa ala la ona li pilin e ni: mi pona ala. ni la ona li pana ala e pona la mi ken ala lon ni.”
"nasin sina li nasa. taso, mi ken len e musi sina la seme? mi tu li ken musi, taso jan ala li sona. sina wile e ni anu seme?"
open la, mi pilin e ni: lon tomo sona ni la ale li open sin la mi o pini e musi mi o pali tawa ijo suli pi tenpo kama. taso, lon la mi wile awen e musi mi pi tenpo pini e insa mi. kin la, mi pakala lon tenpo mute a lon tenpo suno wan taso! mi pana e kalama Nepakanakipijuwa tawa jan Suwa. mi toki ike lili tawa ona.
ken la, ante ale ni la mi ken awen.
"n... ken la ni li pona..."
"pona. la-"
mi kute e noka lon monsi.
"o awen jan li kama"
kijetesantakalu Ila li kute kin li len e ona, sama ni: mi kin li ken ala lukin e ona. jan wan pi kama sona li jo e linja pi pimeja loje li tawa pi wawa ala. lipu nimi ona li walo loje la mi sona e ni: ona li lon tomo sona ni lon tenpo sike tu tu. ona li lukin nasa e mi.
"oh wait so you're in seventh grade right? and it's your... first? second? day here?"
"second"
"aaand how did you find this path. most people first come here in ninth or tenth, if they manage to be friends with someone who knows here."
tan ni la ona li lukin nasa e mi. sona.
"i... just slipped on a piece of paper"
"wow that's weird. but i like weird, oh right i haven't introduced myself im emk. eleventh grade, debate club president, all that and here's my socials." jan Enke li pana e lipu lili tawa mi. "and you?"
"i'm Alice Kim...?" mi sona ala e ni: mi o toki e seme. tenpo pi mute ala la mi toki tawa jan pi suli tawa mi lon sona mi ala.
"cool then, right if you're interested in debating we're looking for new members at the debate club. gtg"
la jan Enke li weka.