mi open pali e toki
nimi pi lipu ni li 'jan Awa li kama sona', taso tenpo mute la mi kama sona ala. taso tenpo ni la, ijo li ken open ante lili... :D
tenpo suno tu pini la, mi wile pali e toki mi. mi open pali e toki lon tenpo ante. ona li tawa ma lon lawa mi, taso ma li nasa mute e toki ni la mi wile ala awen pali e ona. ken la toki pi tenpo suno tu pini li kama sama ni kin msa. ante la, toki ni li tawa ma ala li tawa musi mi taso. mi sona ala e nimi pi toki ni, taso tenpo ni la ona li 'tokka mjawje'. (kalama li sama nasin sitelen IPA) kon ona li 'toki mi'.
toki pona la toki 'tok' li 'toki' li tan toki Topisin a. (nimi li ken tan toki ante li ken tan lawa mi taso)
toki 'ka' li ken lon sinpin nimi li ken lon monsi nimi1. toki 'jan li moku e kasi' li sama 'en jan li moku e kasi' la nimi 'ka' li sama nimi 'en' pi toki pona. taso nimi 'ka' o lon poka nimi ante. poka lon pi nimi 'ka' la, nimi namako li kama lon poka ni. nimi 'je' li kama lon poka sama pi nimi namako la, toki li sama ni:
jehe kaliko
jan pi pilin pona
('he' li pilin pona. 'liko' li jan.)
likoka heje
jan pi pilin pona
toki 'mjaw' li mi. wile mi la kalama li sama toki 'meow' pi toki Inli.
toki 'je' li lon poka nimi la ona li toki e ni: nimi ni li namako e nimi ante. ona li sama lili nimi 'ka'.
mi pini toki e kon nimi pi toki ni. ni la, mi o open sin e sona pi toki ni.
ijo ante li lon taso mi o sitelen e ni lon tenpo kama tan ni: tenpo ni la mi wile ala sitelen.
toki 'toki pona' la, mi la nimi 'toki' li lon sinpin la nimi 'pona' li lon monsi. taso jan ante mute la nimi 'toki' li lon monsi la nimi 'pona' li lon sinpin. taso ni li suli ala lon toki ni :/↩