mi weka tan tomo mi
mi weka lon tenpo ilo #LLT open. nasa la mi kama lon tenpo ilo sama.
lon insa tomo la, mi pilin e ala li wile lape taso. mi lukin e supa walo mi e ilo mi pi ken mute pi ken pona ala pi lanpan pilin. mi lukin e jaki pi pona ala. mi lukin e lipu la lipu li toki e ni: mi o pali wawa tawa utala sona. insa lawa la jan ike li toki wawa e pakala mi ale li ken ala e mi.
lon poka tomo la, ma kasi li lon. ona la mi kute e kon wawa pona e toki pi jan lili. mi pilin e kon lete li lukin e waso e kasi pona e nasin ko loje jelo. ona la, mi pilin pona. mi pilin e ala lon nasin ante. mi pilin ala e toki lili mute ike pi kalama suli. mi pilin pona e tenpo mi e ken mi e nasa pi pilin mi. mi pilin e ni: ken la, toki ike lon lawa mi li suli e ike la ijo ike pi toki ona li ike suli ala. ken la, tenpo kama li ken pona. ken la, mi ken monsuta ala.
ken la sina pilin e ni: mi nasa ike suli. ken la, mi ni a. taso mi wile ala e ni: nasa ni li lawa e lukin mi.
pini la, mi wile mi a li wile pali mi.