monsuta li lawa e mi
tenpo poka la monsuta mute li lon mi. open la ilo mi li pakala tan ala. tenpo pini lili la ona li awen pona. ni la mi pilin e ni: jan ike li pakala e ilo mi li wile lukin e mi tawa ike. tenpo li tawa la mi tawa tomo sona la nasin li lon. ona la ilo tawa en jan li ken tawa, taso jan en ilo tawa o tawa ala lon tenpo sama. jan li lon nasin ni la jan ni li ken tawa nasin ni. taso ona li tawa ala. taso mi tawa lon nasin ni la jan ni li tawa kin li toki e ijo kepeken ilo. mi pilin e ni: jan ni li wile lukin e ni. tan ni la jan li tawa lon nasin sama mi la mi pilin e ni: jan li wile ike e mi. ni la mi pilin ike lon tenpo ale. ni li lon la mi jo ala e wawa pi toki mi. mi pilin e ni: alasa pali mi li ike la mi o ni ala. ni li ike suli e pilin mi. mi sona ala e ni: nasin seme la mi ken pini e ni. mi sona ala e ni: mi ni tan seme. ma Anku la ike ni li lili. taso mi o awen pilin pona lon tawa. ni li kama lon tenpo ale la monsuta mi li sike.
kin la, pilin mi la linluwi li monsuta ala tawa mi lon tenpo ale. tan ni la mi toki e ijo mute lon lipu ni. mama mi li toki e ni: o pana ala e mi lon linluwi. taso mi wile a pana e toki mi e pilin mi e ijo poka.