nasin li lawa e mi ale
tenpo poka la, mi toki tawa jan pona mi tu. jan Luna li lon tomo sona nanpa pi wawa mute pi sewi mute. jan Enwa li pali sona lili.
jan Luna li toki: "sina ale li kama sona e sona nanpa pi nasin seme?"
(tomo sona la nasin ni li lon: tenpo ni la jan o kama sona e ni. ma Anku la sona nanpa (ijo ante mute kin taso sona nanpa li nanpa wan) la jan pi mute mute a li kama sona e ijo ni: ona o kama lon tenpo kama. tenpo la ni taso li toki e ni tawa jan ante: jan ni li pona anu ike. taso tenpo mute la ni li toki ala e ni.)
jan Enwa li toki: "n... mi wile ala toki. tan la, nasin mi li weka tawa sina."
mi toki: "mi kama sona e nasin 대수. taso pilin mi la nasin 공통수학2 li pona ala tawa mi."
(nasin li sama ni: 중1-1 -> 중1-2 (tomo sona lawa la mi kama sona e ijo ni) -> [...] -> 중3-1 -> 중3-2 -> 공통수학1 -> 공통수학2 -> 대수 taso ijo ante li lon)
jan Luna en jan Enwa li lukin e mi sama ni: mi wawa sewi. jan Luna li toki: "sina wawa a. mi open e 공통수학1"
mi toki: "taso sina lon tomo sona nanpa pona, anu seme? jan ale li toki: tomo sona nanpa sina li kepeken wawa mute li pona sewi."
jan Luna li toki: "kama la wawa mute li wile. taso insa li pona ala."
jan Enwa li toki: "sina tu li pona a tawa mi. mi awen lon 중2-1"
mi toki: "a. taso, ni li suli ala. nasin li toki ala e wawa."
tenpo pini la, mi pilin pona wawa tan ni: mi kama sona e nanpa pi tenpo kama. jan ala li sama mi lon tenpo ni. mi sona mute tawa jan ante. taso tenpo sitelen la, mi kama sona: ni li lon ala. selo la mi kama sona e ijo wawa, taso insa la mi sona ala e ijo mute. mi toki insa ala e ni: tan seme la nasin nanpa li sama ni: mi pali taso e wile pi tomo sona nanpa e wile nasin e wile pi jan ante. tenpo li tawa la, mi sona: mi kama sona e ala. mi pilin ike tan pali wawa pi sona mi ala.
jan ante li lon nasin sama mi ala la, ona li awen pilin: jan li kama sona e ijo pi tenpo kama weka la, ona li wawa. seme li pali e ni: nasin a. nasin li nanpa li jo ala e ijo mute, li toki ala e wawa lon e ijo ante. nasin ni li toki: "mi pona e sina lon nasin pi tomo sona lawa!" taso ona li ni ala.
mi lon ala tomo sona lawa lon tenpo mute, taso tan sitelen la mi sona e ni. nasin pi tomo sona lawa li toki: "mi pona e sina lon nasin pali!" taso ona li ni ala. mi sona ala a e nasin pali tan ni: mi lon ala nasin ni. taso mi sona e ni: toki pi nasin ni la, "mi pona e sina lon nasin lon!" taso ona kin li ni ala. ken la, ona li pona lili, taso ona li pona ale ala. taso jan li pilin e ni lon tenpo: nasin li pona ale. jan li ike tawa nasin la ona li ike. jan li pakala e ona tan nasin, sama ni: nasin li lawa e ona. ken la mi kute e toki ni, taso mi sona ala e tan e lon ala lon. toki li ni: "nasin pona li kama nasin nanpa wan la, nasin li kama ike."
nasin li lawa e mi kin. mi pilin e ni: tomo sona nanpa pi jan Luna li pona la, jan Luna li pona kin. mi lukin e pali wawa pi jan ante tawa ijo pi suli ala tawa mi, li toki insa: mi o ni anu seme? mi ni ala la, mi ike suli anu seme? mi wile tawa tomo sona wan lon tenpo kama. open la mi pilin e ni: ona la mi wile e nasin pona. tomo sona mute li weka e nasin pona li wile e pali pi nasin kulupu taso. tomo sona ni li ante la mi wile kepeken ona tawa nasin mi pona. taso tenpo sitelen la tenpo mute la tomo sona li suli tawa nasin mi. mi o sona: mi suli a tawa nasin.
ante la, 선행에 제발 좀 그만 집착하렴 칭구들아!!! :D
(pona a! mi pini e sitelen lon tenpo lili!)