sitelen lili pi tenpo esun ni (8/9-8/15)
tenpo la mi wile sitelen e pali mi e pilin mi lon tenpo suno luka tu. mi wile ni lon tenpo mute taso toki pona la mi ken ala nimi pona e ijo ni. tenpo open la mi lukin ala e jan pi pali sama la ni kin li tan e1 ni: mi pali ala e ona. taso tenpo poka la, mi lukin e sitelen mute pi nimi "week review" (jan li lukin e ijo suli pi tenpo suno luka tu ona2). mi wile e ni lon tenpo ni la, mi o ni!3
toki tawa mama meli
tenpo suno luka tu pini la, mi pilin ike tan toki mama. suno ni la, mi o lukin e toki jan pi tomo sona pona4. ike la mi sona ike e tenpo li kama lon tenpo weka. mi ken kute e lili taso. ni la mama mi li pilin ike suli li toki e ike pi poka ala kin. taso suli la ona li toki e ni: mi o pali mi. jan ante li pana ala e pona tawa mi. mi awen ala taso li pali ala tawa wile mi la mi ken ala jo e wile ni. mi pilin e ni tawa toki ona: mama li pana e pona ala tawa mi, taso mi o pona ale tawa mama tawa wile mi. taso mi sona ala e nasin. seme?
pona la, tenpo lili li tawa la mi tu li kama pona. tenpo suno ni la mi toki sin. mama li toki e ni:
- o pilin ike ala. pilin ike li ike e pilin e pali.
- o lukin ala e nasin taso. o pali e wawa e ken kin. alasa nasin li ken kama lon tenpo weka, tan ni: jan li pali pona la ken pi alasa nasin li kama.
- o wawa e ken jan, sama nasin toki sama nasin pi jaki ala. ni li pona e lukin pi jan ante la jan ante li ken pana e pona e ken.
- o alasa e ijo wile. o awen taso ala.
- o toki insa e ni: nasin ni li ken ala ken pona.
mi la
pali en alasa nasin o lon tenpo sama. pali pi tenpo ni (kama sona lon tomo sona) la jan ala li sona e ni: nasin ni li ken ala ken awen. tenpo ni la nasin pi tenpo kama li suli mute tawa nasin pi tomo sona la pali taso li suli ala tawa tenpo mama.
mama li toki e ni: o sitelen taso ala e nasin pi tenpo kama, o pali. taso mi wile pali kepeken ala nasin la mi sona ala e pali mi lon pali mute mute a, la mi pali e ala. taso pali li suli la, mi jo e nasin pi pali nasin.
musi la mama li lukin ike e ilo e toki pona, li lukin pona e ilo kalama. tan ken la ona li pilin e ni: mi pali e ala ante tan ona.
mi kama sona e nasin toki kin! tawa toki pi pilin pona pi kama wawa la, ona li suli a. tenpo pini la mi pilin e ni: nasin toki li tan pilin pona selo pi jan ante. taso lon ala a!
o sona e ni: jan li toki e ni tan seme. ken la ona li wile e ijo tan mi. ken la ona li toki e ni tan pilin pona ona taso. ken la ona li wile e ni: jan li kute li sona e toki ona. ijo ante mute li ken.
toki li ken ike li ken ante tawa jan ante. ilo Jutu la jan ike mute li lon li toki e ijo ike pi tan ala. pilin mama en pilin mi li ante.
ijo sin5
mi jo e lipu sin pi pana pilin! lipu pi tenpo pini li jo ala e lipu sin lon tenpo mute. lipu ni taso li jo e ijo pi pona mute, taso esun ala li jo e ona sin la mi kama jo ala e lipu. taso mi weka e wile ni li kama e lipu sin. pona la, lipu li lukin sin la mi pilin pona sin tawa lipu. o lukin e ona
mi kepeken ilo sin pi kama sona nanpa. nimi ona li 수학대왕. ona li wile e mani taso ona li lili a tawa tomo sona li pona a tawa tomo sona. mi o kepeken ona lon tenpo kama o pini e tomo sona nanpa. tomo sona nanpa li nasa pakala e mi.
lipu ilo sin! mi lukin e lipu sitelen mute lon lipu Bearblog6. tenpo mute la mi lukin e lipu pi jan Ava taso mi lukin e lipu ante mute kin, sama ma kasi moli/dead.garden7. tenpo mute la mi pali ala li lukin e lipu ni taso, sama pakala lawa ilo. taso lipu ni li pana e sona tawa mi.
lipu pi lukin mi li toki mute e ken tonsi e lawa pi wile weka ni.
ilo
JAN AWA O PINI LUKIN E LIPU WESI E LIPU PI NIMI 'LIPU PONA' E LIPU SITELEN LON TENPO PALI
tenpo mute la 'tan e' li pakala pi jan sin. ona o toki e 'tan' taso. taso ni li pakala ala.↩
tenpo la mi kepeken nimi 'tenpo esun' tawa tenpo suno luka tu. tenpo la mi wile sitelen sama ni, tenpo ante la mi wile ala. musi la, jan pi mama sama li toki tawa mi: "누나 나 아메리카가 한국어로 뭔지 모르겠어" (meli suli pi mama sama o mi sona ala e nimi "ma Mewika" lon toki Anku)↩
lipu nanpa wan lon ni la, mi pali e ijo sama. taso mi pilin ike tawa ona la mi weka e ona. taso ken la mi pana sin e ona lon tenpo poka.↩
tomo sona 'pona' la, mama li wile tawa ona e jan kili. jan li wile lon ona la jan o utala tawa ni. ona la ken mute en jan pona mute li lon.↩
mi ken toki e 'lipu sitelen soweli' msa↩
namako tan tenpo TT tawa: ma kasi moli li tan ala lipu Bearblog. mi pakala↩