tomo sona lon tenpo suno ni
tomo sona la, mi kama sona e toki pi ken jan tan kulupu pi ma ale. toki nanpa tu lon ona la ni li lon: jan o ante ala tan ma ona. ken la ma jan li lawa e ona. ken la ma ante li lawa e ma ona. ken la ma li pona anu ike tawa lukin pi jan mute. taso ma li suli ala tawa ken jan.1
jan pi pana sona li lukin e ni li toki: tenpo mute la jan li lukin e ma tan jan li pana e pona anu ike tawa ona. ken suli a la, sina ken ni lon tenpo wan. toki pi jan sona la, tenpo pini la ona li tawa ma Guwan (Guam) li kute e toki pi jan majuna. jan majuna li toki pona tawa jan lili ona e ni: ona li lon ma Mewika. jan sona li lukin e jan ni li pilin e ni: ken la pilin pi jan ni la ma Mewika li pona mute. pilin pi jan sona la ni li ike.
lawa mi la, jan poka mi tan tomo sona li lon kulupu pi kalama uta li tawa ma Tosi tan ni. ona li toki e ni tawa mi la, mi pilin e ni: ni li pona suli. jan mute pi sona mi li tawa ma Sonko anu ma Nijon anu ma Pilipin anu ma Intonesija anu [ma Asija pi suno open]. taso tan ijo la ma Tosi li pilin suli tawa mi. tenpo mute li tawa la, mi lukin e jan ante tan ma Kanata pi suli tenpo mi. ona kin li pilin suli tawa mi. ken la, ni la mi ante e jan tan ma awen ona.
taso, ijo ante li ken!
- jan poka mi li tawa ma Tosi tan musi taso ala tan wawa pali ona2
- lon ma Tosi la ona li kama e jan pona li toki tawa ona kepeken ilo
mi sona ala e ni: tan seme la mi sitelen e ni. taso ken la ni li pona tawa mi lon tenpo kama!
mi lukin e ona lon toki Inli la, tan seme la nimi 'ona' li nimi 'he' lon toki ale?↩
tenpo pini la mi lon utala pi kalama musi. utala lon ma Anku li ken e mi la mi ken tawa ma Tosi tawa pini utala. utala ale weka wan lon ma Anku la mi kama lon nanpa wan la mi pilin e ni: mi ken tawa ma Tosi. taso utala kama la mi pakala e luka mi li pilin e ni: mi wile pali ante. ni la mi kalama ala li tawa ala ma Tosi. :>↩