['v'] jan Awa li kama sona

utala toki pakala

tenpo poka la, mi lon utala toki. sina jan poka mi la sina sona e ni: mi wile mute a lon utala toki. tawa ma utala la mi ken toki tawa jan pona mi. mi ken utala pona e jan ante e ken mi. ken la, kulupu mi li ken anpa e kulupu ante mute li ken kama nanpa wan! tan sona la, kulupu mi li lukin e utala pini ni: kulupu pi pona nanpa wan en kulupu pi pona nanpa tu li utala. ona tu li ike mute la pilin mi la mi ken anpa e ona ale. ijo ale li musi mute tawa mi. mi toki tawa jan utala mute pi tomo sona mi li musi lon poka jan kulupu. kin la jan lawa mi li toki e musi len ona!

taso ike la, nasin lawa pi utala ni li... pakala lili. a lon la pakala suli. nanpa wan la mi o toki e utala ale. utala toki ni la utala lili mute li lon. utala lili wan la kulupu tu li utala. utala lili tu wan li pini la, kulupu luka li lon la kulupu pona tu li utala tawa pona nanpa wan.

utala lili #W la kulupu ante li wawa mute lon ken toki lon pilin ken. kulupu mi li wawa ala lon pilin ken la mi pakala mute la jan Ila pi kulupu mi li pakala pilin li pana e telo lukin.
#T la kulupu tan ma Mokuton (목동)1 li utala e mi. ona li pona lili tawa kulupu mi, taso ike li ni: kulupu Mokuton li pakala e nasin utala. jan utala o sitelen ala e toki utala lon tenpo ni: utala li open ala. kulupu Mokuton li sitelen a li musi ike e pakala ale mi. pakala mi li tan ni: mi sitelen anu toki lon tenpo utala e ijo li sama nasin taso.
#TW la kulupu ante li pona sama kulupu mi. nasa suli li kama ala.

ni la, ale li pilin e ni: kulupu utala mi nanpa wan en kulupu pona ante li utala tawa nanpa wan. kulupu utala nanpa tu li pakala e nasin la ona li ken ala utala. sona mi la, wawa kulupu li sama ni:

taso. kulupu Mokuton pi PAKALA NASIN en kulupu ante li utala!!! kin la kulupu ante li kalama Inli ike li kepeken tenpo suli ike tawa toki (ni li pakala nasin) li toki pi pona ala kin. ni la kulupu Mokuton li kama nanpa wan.

taso, o sona e ni kin: pona ante mute pi utala ni la kulupu Mokuton li moku e ona. wan la jan wan pi kulupu Mokuton li lanpan e toki mi lon utala li kama e 'jan pi toki pona nanpa wan'. kin la utala pi tenpo pini la, kulupu Mokuton li ike suli li kama e pona mute tan kulupu lawa utala lon tenpo mute mute a!

mi sona ala e tan ni. mi sona ala e nasin lawa. taso ken la, kulupu Mokuton li wile mute pona nanpa wan la, ona li ante ike e utala tawa ni kepeken mani anu wawa. pilin mi la, kulupu Mokuton en kulupu Solu (jan mute pi ma Solu li pilin e ni: ona li nanpa wan. ni li suli lon wile mama tawa jan lili) o kama sona e ni: tenpo la ona li ken anpa. kulupu lawa pi utala ni o pana e nasin ona.

ni ale li pini la, kulupu mi li tawa esun telo li lukin e jan tu tan kulupu pona. (mi utala e ona lon nanpa wan) mi toki tawa ona wan la toki li sama ni:

jan Ila: 안녕! 너 그 첫번째로 디베이트한 걔 맞지?

ona: ㅇㅇ

jan Ila: 너네 팀 진짜 잘했어!

ona: 고마워 ㅎㅎ

mi: yeah you should have gotten first or second, at least you got third but don't stress cuz this debate is rigged

ona: 근데 너 평소에도 영어로 말하는 거야? 대단하다

jan lawa mi: she studies languages for fun

mi: not language, linguistics

ni la mi toki e mi e toki pali mi, li wile toki e utala CCC4 tawa ona taso ona li tawa. musi la jan Ila li toki e ni: jan ni li wile weka tan nasa mi

  1. ma ni la jan ale li wile pana e sona wawa pi toki Inli tawa jan lili. ante la jan li moli e jan lili ona pilin ike mute↩

#sitelen #utala toki