sin la mi lon lipu Peja mi!
tokiiii a!
tenpo pini la mi lon tomo sona lon tenpo suli li ken ala kepeken e ilo taso mi lon sin!
mi kama sona e ijo mute, la mi wile toki e ijo mute. n... seme la mi open?
tenpo pini poka la mi lon tomo sona li weka tan tomo sona. kulupu mi pi tomo sona la mi nanpa wan lon...ijo??? la jan lawa pi tomo sona li pana e lipu tawa mi. tomo sona la utala toki li lon, ona li utala pona e mi li lape ala e mi li pali wawa e mi (ni li pona mute, taso pali la mi pilin ike), la kulupu mi li pona nanpa tu lon utala. pona nanpa wan li kulupu pi jan L, tenpo pi kama sona la jan L li lon kulupu mi, jan L li pona nanpa wan lon utala toki taso jan ante pi kulupu ona li pona ala la jan L li pali ale a. toki Anku la mi toki e ni: jan ante kulupu pi jan L li '버스 탔다' (lon tomo tawa li tawa ala e tomo)
tomo tawa la, tenpo ni la mi lon tomo tawa! taso jan kulupu pi jan L li lon tomo tawa pi lon toki taso, mi lon tomo tawa lon. sijelo mi li lon tomo tawa. mi lon tomo tawa linja SRT, lon poka jan ante pi sona ala. wile la mi en mama mi li lon poka li lon poki sama pi tomo tawa linja, taso mama li pakala la mi ken ala. ni li sin mute tawa mi, tan la tenpo nanpa wan la mi taso lon tomo tawa linja pi tawa suli. ('tawa suli' la, tomo li tawa lon insa ma lili wan (sama ma Solu anu ma Pusan) ala li tawa ma ale Anku)
lon tomo sona kin la ijo mute li sin tawa mi. nanpa wan la mi lape li pali lon tomo pi mama ala li lon poka jan ante pi tenpo mi. ni la mi o toki tawa jan ante pi mama ala lon tenpo ale o pali lon poka jan ni.
taso mi wile sitelen e ni lon lipu linluwi ala lon lipu kasi, ken la lon tenpo kama la mi linluwi e lipu kasi mi